कृषि विकास कार्यालय चितवनको वेभसाइटमा यहाँलाई हार्दिक स्वागत छ

नेपाल एक कृषि प्रधान देश हो, जहाँ बहुसंख्यक  जनताको मुख्य जीविकोपार्जनको माध्यम नै कृषि रहेको छ। कृषिको विकास बिना देशको अर्थतन्त्र बलियो हुन नसक्ने भएकोले कृषिको विकास  आजको अपरिहार्य आवश्यकता हो। कृषिको चौतर्फी विकास गरी उत्पादन तथा उत्पादकत्वमा वृद्धि गराई कृषकहरुको जीवनस्तरमा सुधार गरेर राष्ट्रलाई समुन्नतितर्फ लैजाने उद्देश्य लिई शुरुमा यस जिल्लामा २०२४ सालमा कृषि शाखाको नामबाट र पछि जिल्ला कृषि विकास कार्यालयको स्थापना भएको हो। बि.स. २०७२ को नेपालको संविधान प्रावधान अनुसार २०७५ साल देखि बागमती प्रदेश सरकार मातहतको निकायका रुपमा रही कृषि ज्ञान केन्द्र, चितवन भनेर नामाकरण गरिएको थियो ।बागमती प्रदेश सरकारले  बि.सं २०८० मा पूर्ववत संगठन संरचनामा परिवर्तन गरी हाल कृषि बिकास कार्यालयको रुपमा स्थापना भएको छ । यसको कार्यक्षेत्र चितवन र मकवानपुर जिल्ला गरेर दुई वटा जिल्लामा सेवा पुर्याउने गरी स्थापना भएको छ।>>View More>>